π΅ TITLE: Kamusta Na by YS
(Verse 1) Tahimik lang ako sa iyong tabi Tawa mo’y parang awit sa hangin Hindi mo alam, sa bawat sandali Puso ko’y unti-unting nahuhulog sa’yo rin Sa simpleng kwentuhan, sa lakad pauwi Sa mga biro mong walang kapalit Ako’y nandito lang, nagmamasid Umaasang mapansin kahit saglit (Pre-Chorus) Pero paano kung masira ang samahan natin Kapag nalaman mo ang lihim kong pagtingin Kaya tinago ko nalang sa sarili Kahit masakit, kahit ako’y bitin (Chorus) Kamusta na? Naaalala mo pa ba ako Yung mga araw na magkasama tayo Ako’y nandito pa, hindi nagbago Tahimik na nagmamahal sa’yo Kamusta na? May iba ka na bang kasama Na sa’yo’y nagbibigay ng saya Kung ako sana’y may lakas ng loob Baka ako pa ang kasama mo ngayon (Verse 2) Bigla kang nawala, walang paalam Parang hangin na ‘di na mahawakan Mga mensahe mong dati’y sagana Ngayon ay wala nang paramdam Pinilit kong kalimutan ang lahat Ngunit bakit tila bumabalik pa Sa bawat alaala ng nakaraan Ikaw pa rin ang hinahanap ng mga mata (Pre-Chorus) Akala ko’y kaya ko nang limutin pa Ang pangarap na ikaw at ako lang Ngunit bakit sa bawat gabi at araw Ikaw pa rin ang laman ng puso't isipan (Chorus) Kamusta na? Naaalala mo pa ba ako Yung mga araw na magkasama tayo Ako’y nandito pa, hindi nagbago Tahimik na nagmamahal sa’yo Kamusta na? May iba ka na bang kasama Na sa’yo’y nagbibigay ng saya Kung ako sana’y may lakas ng loob Baka ako pa ang kasama mo ngayon (Bridge) Kung sakaling bumalik ka sana Handa pa rin ba ang puso ko para sa’yo? O baka huli na ang lahat At ako’y matutong bumitaw sa pag-ibig ko (Outro) Kamusta na… sana’y masaya ka Kahit ‘di ako ang dahilan ng ngiti mo Mananatili nalang alaala Ang lihim kong pag-ibig sa’yo…
π¦ππ½π½πΌπΏπ π¨π ππ²πΏπ²: πππ
Comments
Post a Comment